radioilinden.com.au

Градоначалниците на сите градови каде и да се во светот имааг голема одговорност кон граѓаните кои ги избрале и кон самиот град. Тие се првите лица кои треба да се грижат за разубавувањето и промоцијата на градот, за културата, туризмот, развој на спорт и други рекреативни активности како и справување со кризи. Ако туризмот е компонента на бизнис плановите, градоначалникот е лицето кое е одговорно за поттикнување на програми за зголемување на оваа профитабилна индустрија

 Вакви личности кои бегаат од одговорноста, трошат пари од касата на најзадолжената општина во Македонија и ги оставаат граѓаните сами да се справуваат со излевање на надојдените езерски води, не заслужуваат да бидат ,меѓу Македонците во Австралија. На ваква бесмислена посета, и неодговорност укажа и ЗОМ од Мелбурн  кое излезе во јавноста со соопштение и го прогласи охридскиот градоначалник за персона нон грата.

Кон овие изјави се придружија и голем број други организации и друштва кои остро ја осудија посетата на Петрески  и ја отценија како голема грешка . Оваа посета беше во погрешно време и од која ќе произлезат огромни негативни последици . Уште една потврда дека Македонците во Мелбурн нема да дозволат вакви бесмислени посети од личен интерес и бегање од одговорност и лица кои не ги застапуваат националните интереси на една земја.

Македонската заедница во Мелбурн секогаш ќе ги осудува ваквите постапки  од страна на било кои пратеници, функционери и други претставници кои не ги застапуваат националните интереси на Македонија па ниту помагаат да се направи вистински мост на соработка помеѓу македонската дијаспора во Австралија и матичната земја Македонија.

Досега ниту еден претставник од раководството на СДСМ не собрал храброст да се промовира себеси или својата политичка кариера во Мелбурн, градот на патриотизмот . Мелбурн е град во кој македонската заедница нема да дозволи повеќе никој да си игра со интересите на државата и да го повредува достоинството, честа и интересите на македонскиот народ во и надвор од Македонија.Охридскиот градоначалник после овие реакции и можеби ред други причини, отпатува од Австралија без да успее да ја посети Македонската заедница во Мелбурн.

Во македонскиот весник Вечер излезе натпис ‘Аце нема да се врати‘ и во која стои ‘Петрески направи ужасна грешка со заминувањето во Мелбурн.  

Дека Петрески е во Мелбурн е тотална дезинформација и треба да ја  корегираат ваквата изјава.

Г-динот градоначалник сепак отпатува од Австралија. Се надеваме  дека улогата градоначалник ќе ја свати сериозно и  ќе преземе одговорност  во справување со кризата и ‘вистинските проблеми‘ на Охрид. Вакви потези се крајно неодговорни, неморални и не му прилегаат на еден шеф на локална самоуправа.