radioilinden.com.au

Од осамостојувањето на Македонија па до ден денес којзнае колку пати се сменале учебниците по историја а во дијаспората сеуште нема ниту еден учебник по историја или нов материјал за изучување на македонскиот јазик во Австралија. Каде и во кој да се бара вината.

Како последица на тоа но и ред други причини доаѓа до збунетост меѓу младите деца со македонско потекло. Тие најчесто слушаат по нешто за историјата на Македонја од своите родители, баби и дедовци или бараат сами информации на интернет.Во вакви услови , кога навистина не се направени напори од ниедна државна институција, од Агенцијата за иселеништво која треба да се грижи за потребите на иселениците . Ако одржување на форуми и конференции е единственото нешто со кое се помага да се створи некоја поблиска врска со дијаспората, тогаш дефинитивно тоа не е доволно. Потребни се конкретни проекти, заеднички планирани врз база на вистинските потреби. Потребна е вистинска соработка со  вклученост на што повеќе  претставници на организации, здруженија како и поединци, кои би сакале да допринесат со свои знаења и искуство во области во кои работаат.

Без добра и правилна насока која ќе треба да доаѓа од матичната земја, настануваат ситуации во кои лесно се шират пропаганди за тоа дека сме Славо Македонци, дека Македонија е грчка и тоа дека не сме потомци на Александар Македонски.  Не е  само грчкото лоби кое  шири искривена историја за Македонија и ни ги попречува сите патишта низ институциите во Австралија туку постојат и наши Македонци  шират пропаганди за погрешна историја, потекло на македонскиот народ.Такви групи на луѓе изгледа  како да не  го наследиле вистинскиот македонски ген и се обидуваат да ги збунат и младите генерации кажувајќи им дека сме словени дојдени во 6 век. Вакви пропаганди кои се шират од одредени причини и цели можат да заземат широк замав доколку не се спречат. И навистина ова  е последно нешто што треба да ни се случува во овие тешки времиња низ кои поминува Македонија. Вакви пропаганди само можат да нанесат поголеми штети на целокупното македонско иселеништво а со тоа и на матичната земја. Историчарите треба да извадат историја која е потврдена со вистински факти  кои поблиску , и пореално би ја опишале сликата за постоењето на македонскиот народ. Со тоа да се спречи секакво манипулирање и ширење  на погрешна историја со која би требало да се запознаат  новите генерации на Македонци во дијаспората.

  Децата не треба да бидат оставени  на времето и со нив некој да манипулира и да ги користи  за задоволување на некои свои лични интереси. А во исто време и самите деца понесени од помислата дека ќе можат да бидат идни лидери во македонската заедница лесно потпаѓаат под влијание на одредени пропагандни групи и т.н активисти..Сета оваа ситуација на пропагирање меѓу младите дека сме Славо Македонци ги нарушува историските, културните елементи на македонското општество и за она што некој се бори да изгради стабилна основа за идните генерации. Некои за да постигнат некои цели во животот користат секакви сили и средства па макар и на штета на државата и својот народ. Иако имаат моќ да направат некои промени , нека промени за добро а не со искривена историја, парите , полтиката и моќта не пишуваат историја. Историјата се базира врз вистински факти и ја пишуваат историчарите. Нашата историја кажува  само една вистина,  дека Македонија е само Македонија, и Македонците се само Македонци, без суфикси и без префикси. Жалосно е што некој не може да свати што е, кој е , и од каде  потекнува. Со македонското име и потекло не смее да се тргува .

Propaganda that we are Slav Macedonians!